أنا جيتك.. وانا لغيرك.. بذنبي مانويت آبوح

[احساس غريب]

أنا جيتك.. وانا لغيرك.. بذنبي مانويت آبوح

https://lovee.cc/wp-content/uploads/2019/11/10905-1.jpg







طلبتك يالله الواحد .. تِصَبِّر قلبي المجروح

طلبتك ترحم دموعي .. وتبعد حزني وآهاتي



أنا ادري انه .. على بابك .. أكيد ان الرجا مسموح

وقفت بخشيتي وذلي .. لاجل تمحي لي زلاتي



أنا بي همْ ذابحني..وقلبي بالالم مفضوح

رجيتك تنتزع همي .. تزيحه من وسط ذاتي



أنا من جور مافيني .. مليت ارضي دموعُ ونوح

لوِ انِّ الصخْر يسمعني..بكى من كثر وناتي



أحس ان العنا أصبح..على بابي يجي ويروح

مشاوير الحزن والهمْ .. بها طالت مسافاتي



تعبت أمشي وسط دنيا بها الخافق غدا مذبوح

تعبت اظهِر فرح زايف.. وانا تخنقني عبراتي



ياربي هو كذا عمري.. قضيته في لعب ومزوح

قضيته دون ما أدري .. غريق في ملذاتي



ياربي قبل ما أرحل..وتنزع من حشاي الروح

أبي تغفر لي ذنوبي.. تِجاوَز عن خطيِّاتي



وابي لامن غدا جسمي وسط ذاك الثرى مطروح

تونس وحدتي وضيقي.. تيسر لي حساباتي



على قبري أبي الرحمة.. ترفرف.. تِعتِلي .. وتْلوح

وابي لامِن قِضى عمري.. يِطيب بْصافي نياتي



وابي من بين طيات الكفن ريح الفضيلة يفوح

أبي دمع الندم فيني.. يطّفِّي حرِّ جمراتي



وداخل جنتك يارب.. تعَلِّي لي قمم وصروح

وتجعل زين أفعالي..تنير سطور صفحاتي



أنا جيتك.. وانا لغيرك.. بذنبي مانويت آبوح

أبي أنوار غفرانك.. دليلي في متاهاتي





و سلامتكم

[وليد]

كلمات جميله
يعطيك الف الف عافيه
لك مني ارق واعذب التحايا
دمتم بخير ..

[أمير المحبه]

سطور نالت الإعجاب برقي هذا الطرح
وهذا سَّــر إبداعك وذائقتك المُتميزه
سوف آظل أترقب الجديد بكل شوق
لك كل الود والاحترام

[ملكة الحنان]

جميله الابيات
يعطيك آلعآفيـه يَ رب ,
‎وبِ إنتظآر المزيد من هذآ الفيض ,
‎لقلبك السعآده والفـرح ..

[ملاذ الروح]

كل الشكر وبارك الله فيك ....
أسطُر مليئة بِ الأحرف الذهبية
سلمت الأيادي ويعطيك ألف عافية
لروحك عقد البيلسان ~