|
قصيدة: ذكريات جلسة شاي
. <{ ذكريات جلسة شاي }> . يسعد صباحك يا حلوة الشفاهي وتسلم لنا أيديك على ذا الشاهي على الحطب او فرن الغاز الراهي شاهي تلقيمة والباقي ماله قيمه سكره وزنتي سكره يا احلى مره آه قلبي قبل لساني مثلك اشكره إن كان للشاي دكتور غدا نخسره ونقول جا بروفيسور عالي تقيمه جلسي بجنبي وناوليني استكانه أقبل هاجوس الشعر يجر الحانه اليوم ما رأيت مثلك ياأحلى دانه شاهيك عشرة على عشرة ترقيمه لا لا تخزيني بعيونك اطيح دونك تراني وقومي وكل الربع يفدونك سلب عقلي مبسمك ولمعة سنونك شعللي الحب كلك وقار وحشيمه نجدد معا عهد الصبا وطرد الظباء نسرح ونمرح ونستانس في اللقاء نذكر احلام عابره تحققت بالدعاء يالها من أيام عز وليالٍ كلها غنيمه سحر المساء سيدة الحرف وأنغام همس الغلا ومسك الغلا بحر إلهام غرام الشوق يا سر إلهامي والغرام مع شاعر وشاعرة إذا غنى لنديمه الشاعر/ حمد بن فهد المخالده السبيعي |
حمدفهد
.. طرح رائع كروعة حضورك اشكر ك علي روعة ماقدمت واخترت من مواضيع رائعه وهامة ومفيدة عظيم الأمتنان لكَ ولهذا الطرح الجميل والرائع لاحرمنا ربي باقي اطروحاتك الجميلة ـــ تحياتي وعطروردي :wahjj.1: |
تسلم أناملك عالطرح الرائـع
لآحرمنـا الله روعة موأضيعك شكرا لمجهودك المميـز |
اقتباس:
الشكر لله وحده ثم لكي انتي يا بنت الأصول يسعدك ربي سعادة لا حد لها في كل مكان وزمان اتمنى لك السعادة ماحييتي اللهم آمين. أخوك / حمدفهد |
سلمتِ وسلمت يدآك
ربي يعطيك ألــــــف عـآفيه الله يسعد قلبك يآرب ولا يحرمنا منكِ ومن آطرحآتكِ الرآئعه لك كل احترامي وتقديري |
اقتباس:
اشكركم حد السماء على تواجدك في صفحتي المتواضعة أخوك / حمدفهد |
محاورة بين الشاعر/ السبيعي والخالدي
محاورة بين الشاعر: السبيعي و الخالدي - < <♡ { تسلم لنا يالخالدي } ♡> > - يا معكر المزاج قدامك ماء البحر وشبره خل المزاج صافي وطيب قلب الحبايب جرح اللسان صعب وما في علاجه دبره ترى توجع الشباب القوي دعوة الشايب واحذر من خط القلم ليا سال منه حبره صحه صحيح وخطاه من كبر المصايب ما كل كسر بالهون ياجاهل الكسر تجبره والغربية إنك تعيب وفيك كل المعايب تسلم لنا يالخالدي بلغ الجاهل ذا الخبره الشعر مشاعر حي من كان لطيبها جايب وخوذ من دنياك يا فاهم القيل ذا العبره هونها تهون لاتكبرها تكون بحربها ذايب الشاعر/ حمد بن فهد المخالده السبيعي ==================== رد الشاعر/ سلمان الخالدي:- يابو فهد خفف علينا التطعيم بالابره ............عسى الكرونا تبتعد والنوايب كل البشر من الموت تخافه و قبره ...........مثل الكبر والشيب سبب معايب يصيح صياح الضحى بالصوت والنبره ..........وده يجيب السابقه وماهوب جايب قناصنا ضيع مابين الطير والوبره .........و اصبح مابين الناس سلب وغلايب يسبر ولكن طول عليه الليل والسبره .........راح الزهاب وكل صيده زهايب ياصاحبي مثبور والي بدالي بثبره ............مطبوع حرفي مانعده لاعايب انا جبرني الشوق ومليت من جبره ..........حبيت انا الي طول الايام غايب الشاعر/ سلمان الخالدي ======================= رد الشاعر/ حمد بن فهد المخالده السبيعي:- - < < { آمنا بالله وعليه توكلنا } > > - يا الخالدي ربنا الله على الكرونا نكبره الله أكبر كارونا مارحمت شاب وشايب قدرة الله مكتوب تأتي كم داخل قبره آمنا بالله وعليه توكلنا جابر المصايب ما يفيد الصياح ومكتوب لتأخذ الإبره ربي ادفع البلاء و الوباء عنا والحبايب الصيد وافر وكل قناص حسب الخبره وحب الدنيا اسباب السلب و الغلايب آه لا لا تلومه لطول عليه الليل والسبره قلب المولع يدوس الخطر و الصعايب يا صاحبي حرفك راقي يا عالي النبره أنت اللي تزين الحرف وتسوي عجايب عسى جابرك يرجع شوق وذوق ياجبره ونفرح لك يالغالي برجعة الشوق الغايب الشاعر/ حمد بن فهد المخالده السبيعي ========================== رد الشاعر/ سلمان الخالدي :- اهلا هلا بلي وفاء بالطيب بالمره.......... يامرحبا بسليل الرجال النجايب حرفك وصلني والمنتدى فره.......... وغيره ردي (ن) في سلامه وخايب رحب بك الخاطر والقلب سره......... والمعني سامي ومافي المعاني شوايب البير فيه الدلو والحبل جره.......... والعد عنده نوخو بالركااايب احد(ن)يحاول له بعشرين كره........ واحد(ن) عن الطولات اقفى وخايب يالله دخيلك من كل حاقد وشره........ والحاسد الي في سمومه معايب من لا يودك عن طريقك تجره......... والي جهل للطيب ماهوب طايب الخامل اعمى والمعايب تسره......... حتى يجيه الرد ويقول تااايب هو يحسبنه في البرايا تبّره.......... ولا درى انه شخص ماهوب طايب الشاعر/ سلمان الخالدي ========================= رد الشاعر/ حمد بن فهد المخالده السبيعي :- < ♡{ حيك رجل لمن اقبلت }♡ > يسلم لنا اللي رده سرني وردي سره جاب القاف عالكيف تفداه الحبايب سلمان الخالدي والنعم مليونين مره مثله اليا وضع عالجرح صار طايب حيك رجل لمن أقبلت قالوا لله دره وإلا اللاش لأقبل قالوا أقبل الخايب النهر العذب الكل يتمنى يكون نهره ويسرك شوفه وقوم تحول الركايب خله لا تلومه لأقفى من شدة الحره الردي دوم يقفي في حزة النوايب ياخوي أبد الحاقد لا تبشره بالمسره يموت قهر إلى منك جنبت المصايب من لا يودك لاتوده واتقي بالله شره وافعل خير تلقاه لو بعد رز النصايب غدا يصح الخامل لمن جاه شئ زره إن صحى نال وإلا غدى حظه شايب من لا فر دركسونه بيده لا لا يتشره مشي على كيف غيره وهو السبايب الشاعر/ حمد بن فهد المخالده السبيعي ========================= رد الشاعر/ سلمان الخالدي :- في مجلس الشعار وللشعر بحره ...........حرف السبيعي كويكتيل الاطااايب....... غيره ماعاد يشيل مثقال ذره .............وابعد يغني في مهب الهبايب ........ ابوفهد وافي و لله دره ...........ماراح يبعد ويتعذر وغايب......... الحرب قشرى وفيها كره وفره ............مايصمد الا سالم(ن)من المعايب من يبدع الاشعار من فوق حره ...........من صحصح البيدا ومرسوم نايب ارسل سلامي من نجوم المجره ..........واقطف ثمار الشعر رغم المصايب مثل الصقر ان فز من فوق وكره .........يصيد من زين القنص والرغايب في مجلس الغالين مابه مغره ..........والي تنحى بعيد ماهوب صايب هذا مصب السيل وهذا مخره ........وهذا الي قال ابشر ولبى الندايب من يخفي اسمه في غياهيب سره ..........تراه مبعد من سهوم الغلايب مايخفي الرجال اصله وامره ...........مادام مابه ما يثير العجايب الشاعر/ سلمان الخالدي ========================= رد الشاعر/ حمد بن فهد المخالده السبيعي:- <♡{ كساب حلو النجايب }♡> اهلا هلا بسلمان كل ماجرى نهره الخالدي مثل الريح لهب الهبايب جبل راسي ما هوب رمل و غبره طير حوران كساب حلو النجايب لله درك ومثلك ينقال له لله دره رجل مذكور بخير حاضر وغايب الله يبعد عنا الحرب خيره وشره وإن كتب علينا نفعل به العجايب الشعر موهبة من الله فيه المسره وفيه المضرة للي يدور المصايب ياخوي سلامك وصل عارف مقره من بستاتين الغلا يحمل الأطايب حيه من صقر نادر من شافه سره في سوق الغلا اغلى السعر جايب هذا مجلس الشعار قل لجاهله بره لاتعلم نظم القاف يهجي الحبايب خيال الخيل لبد يعرف فره وكره ابن الخالدي خيالها سلم وحرايب ودولاب الشعر ماكل من جاء فره والخافي اسمه ماهو قد الصعايب جنب دربه لا تفرح ببرده ولا حره قد قيل ما يتبع الخايب إلا خايب الشاعر/ حمد بن فهد المخالده السبيعي ========================== رد الشاعر/ سلمان الخالدي:- قالو حمد وقلت الله يطول بعمره رجل(ن) خذا طيبة الصغير والشايب اهلا هلابك على الماجوب في سفره نكتب لك الي مثل مزن السحااايب والي في نفسه شي عليه بالمره يتغرغر بها عقب التعب والنحايب مانرتكب قطع الاشاره وهي حمره وقطع الاشاره والتجاوز مصايب شعري انا لك ما على شفته حمره ومافيه من بعض الخطاء و الشوايب دخان طيب العود الازرق وجمره مهوب من دخان بعض الخرايب وفنجالنا لك من الكيف ماهوب خمره له حزة(ن) عند احتكام النوايب ان جاء على العمسان سدره وغمره عقبه نغني من لحون العذايب الحجز في التطبيق للحج والعمره الله يحقق الاجر و الكسايب الشاعر/ سلمان الخالدي ========================== رد الشاعر/ حمد بن فهد المخالده السبيعي:- < { حيك وحي شعرك يالسنافي } > تسلم لنا سلمان شوق البيضا و السمره حلو المعنى والمغنى وبلسم الصحايب منك الطيب طاب وقت الرخاء وطفره وشذاك فاح عطر حوى جميع الاطايب لايهمك اللي في نفسه علينا شيء غره خله يموت كالمغرور مايطول النجايب وقت الخطر نقطع أرض خضره وغبره ما نهاب الموت لأجل الوطن والحبايب حيك وحي شعرك يالسنافي قوي نبره فيه حلو التعابير بجزل المعاني صايب تعلى طيبه دخان عود ازرق على جمره من شافه شهد لك بالطيب ورز نصايب ياخوي فنجال الكيف به حلاوة السمره أنت الحلى كله سديد الرأي والكسايب ويروق الليل النا اليا اختفت ذا الحمرة وبان القمر جا القصيد كل منا له جايب الله يوفقنا معك يالخالدي حج و عمره ونزور المدينة نسلم على سيد الحبايب الشاعر/ حمد بن فهد المخالده السبيعي |
كلمات رائعه
سطور جميله جدا يعطيك الف الف عافيه لك مني ارق واعذب التحايا دمت بخير .. |
اقتباس:
أخوك / حمدفهد |
طرح قمه الروعه في والجمال
سلمت اناملك ويعطيك العافيه علي مجهودك في أنتظار المزيد من عطائك والمزيد ومواضيعك الرائعة والجميله ودائما في إبداع مستمر |
| الساعة الآن 10:44 AM |
Powered by vBulletin® Version 3.8.8
Copyright ©2000 - 2024, vBulletin Solutions, Inc.
HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
دعم وتطوير وارشفه وحمايه الموقع من استضافة تعاون