أنا يابو سعود جريت موالي
رفعت الصوت يالالي ويالالي
أسلى خاطري من ضيقة أحوالى
واهونها واجر الصوت بالالحان
كبرنا يامحمد والكبر شينا
زمن يبغى على كيفه يمشينا
يادنيانا كبرنا لاتغشينا
على اخر عمرنا نمشي بلا عنوان
وتبغى الصدق وحنا في وسط غابه
إذا ماكنت ذيب تاكلك الاذيابه
يضيع الحق ماياخذة طلابه
وناس يشترونه بارخص الاثمان
يقولون الحميمي ضاحكن سنه
مايدرون كم في القلب من ونه
لرب العالمين والحمد والمنه
على مافي القلوب من فرحة واحزان
تعبنا يامحمد نعدل الميله
تعبنا من زمان المكر والحيله
برك سمحان من حمله وتكبيله
وماذا بعد إلى منه برك سمحان
لالكن تدري نمشيها نمشيها
نجامل ياعسى ربك يعديها
وندعي الله في أولها وتاليها
يهونا علينا تالى الازمان

الموضوع الأصلي: قصيده جريت موالي || الكاتب: فهد الغامدي || المصدر: منتديات غرام الشوق

www.gram-alshoog.com

منتديات | منتدى | منتديات غرام | منتديات عامه

برامج | سيارات | هاكات | استايلات | برمجه | منتديات عامه