حبني من قلب وإلا حب نفسك واعفني
من عجز قلبه يضحي لا يقول انه يحب

من طرد مقفي يذل من الهوان وينحني
وأنا قبل آصل حدود الذل عزمت انسحب

أرفض اللي يرفض إحساسي كذا ويردني
بعد ما كانت سواليفه عواطف تلتهب

وش ظروفك يوم تتعذر واشوفك مهتني
تضحك لغيري وتبكي لي وتوهمني كذب

ما فهمتك صدق وإلا بالخطأ فهّمتني
ما عرفتك وش تبي يا ريح يوم إنك تهب

البشر مثل المعادن وانت عارف معدني
لكن المحبوب ينعم والمتاعب للمحب

ان سألتك يوم عني .. لا تردد .. صدني
العفو يا سيدي ما عاش من يعشق غصب

الترجي والتدلل في جنابك هدني
وأنت لين اشرقت تذبح والقهر لو تنحجب

ما انكسر رمحي وزندي منك عيا ينثني
والوجع لو ما لمحته .. في النواظر ينكتب

والعذر عندي حبيبي دام حبك شدني
والعذر عندك تقلب يا تصد أو تنجذب

ليش ترفض وانت للحب العنيف تحدني
البحر جذاب لكن لا تظنه ... ينشرب

خلك بقلبي وانا في أي بلوى حطني
بس لا .. لا تحطني وياك في موقف صعب

الموضوع الأصلي: حبني من قلب وإلا حب نفسك واعفني || الكاتب: انتهي بك || المصدر: منتديات غرام الشوق

www.gram-alshoog.com

منتديات | منتدى | منتديات غرام | منتديات عامه

برامج | سيارات | هاكات | استايلات | برمجه | منتديات عامه