على حر المشاعر وش بقى يا صدري المهجور






على مفرق بدايات الجروح ودمعة المقهور
عرفت ان الزمن لا شان وجهه ماتت آمالي

أشوف الحزن ماخلا على وجه البسيطه نور
أجر الصوت وأغني على جرحي وترحالي

اوسع خاطري وادري تضيق من الهموم صدور
وعسى الله مايطول ضيقة الخاطر على بالي

على كثر اتجاهات الوسيعه مالقيت اعبور
أشوف الكون بعيون الجريح وغربته جالي

على كثر المواجع والأسى ياحظي المعثور
أمني خاطري وأضحك من همومي على حالي

أخفي بعض مافيني وبعضي لاحكى معذور
مادام العمر ماوقف على حزني ولا اطلالي

أنا ماألوم أغصان الشجر لا ودعت عصفور
مادام العش ذكرى وش بقى للريح تغتالي

على حر المشاعر وش بقى يا صدري المهجور
نساك الود وعروقك جفاف(ن) مالها والي

تمادى الليل بعيون السهر يالخاطر المكسور
وأنا مملك من الماضي سوى همي وغربالي

مع ذاك الحنين اللي سرى في ظلمة الديجور
شحب وجه الزمان اللي بغيت ولا تهيالي

يطول الصمت ماحرك على بيض النوايا سطور

و أنا مهما تناسيت الزمن لابد يطرالي





و سلامتكم

الموضوع الأصلي: على حر المشاعر وش بقى يا صدري المهجور || الكاتب: احساس غريب || المصدر: منتديات غرام الشوق

www.gram-alshoog.com

منتديات | منتدى | منتديات غرام | منتديات عامه

برامج | سيارات | هاكات | استايلات | برمجه | منتديات عامه