علامات قلة الثقة بالنفس 👀المقارنة أكثر الحاجات ال بتدل على قلة الثقة بالنفس المقارنة أنك تقارني نفسك ب اصحابك وبكل الناس ال حواليكي مع أن المقارنة دي بتكون غير عادلة لأنك انتي لما بتيجي تعملي مقارنة بتعمليها ما بين أضعف نقطة عندك وأقوى نقطة عند الشخص ال قدامك مثال وليكن انا تقي مش بعرف اعمل أكل نهائي وكل أكله تبوظ مني أفضل أقارن نفسي ببنت خالي ال هي طباخة في الأكل هنا المقارنة غير عادلة تماما بسبب تركيزك على نقطة ضعف عندك 👀التردد الشخص ال مش واثق ف نفسة متردد جدا ولكن مش التردد العادي ال هو ممكن يكون عند أي حد بس ملوش علاقة ي قله الثقة بالنفس لا التردد ده مختلف هو تردد في كله حاجة في حياتة يسئل كل الناس ال ف حياته قبل ما ياخد القرار كمان مرة اه انا موافق وفي نفس اللحظة لا مش موافق كمان ديما الشخص ده ملوش أي سيطرة على أي قرار في حياتة ال حواليه هما بس ال بيقرروا في أبسط الاشياء كمان 👀التبرير الشخص ال مش واثق في نفسة ديما بيبرر وطبعا مش كل شخص بيبرر هو شخص مش واثق في نفسة لكن المقصود بالتبرير هنا هو التبرير ال في أبسط الاشياء وبشكل مبالغ في بمعنى بنت صديقة ليكي كلمتك على الموبايل وانتي مسمعتيش المفروض هنا الرد الطبيعي آسفة جدا مسمعتش الفون والله لكن التبرير المبالغ في هو والله العظيم مسمعتش الفون أصل كنت بعمل الأكل والله والدقيق وقع عليا والله والله ما سمعت وصوت مرتعش هنا كده انتي مش واثقة في نفسك 👀عدم تقبل النقد ديما الشخص ال مش واثق في نفسة مش متقبل أي نقد ولو انتي انتقدتيه يبقى في حاجة من الاثنين أم انتي بنت غيرانة ديما منها أو انتي مش فاهمة حاجة 😄 👀الإحراج من الدخول في أي نقاش الشخص ال معندوش ثقة في نفسة مبيقدرش يتكلم قدام حد ميعرفوش خصوصا لو نقاش جماعي لأن بيخاف ديما رأيه يطلع غلط او يكون مخالف لكل ال حواليه هو مش فاهم اننا بشر ولازم نكون مختلفين عادي جدا في الرأي 👀 سرعة الرد الناس ال بترد بسرعه جدا ومعظم الردود بتكون غلط اصلا العقل اصلا بطبيعته ل أقل من عشر ثواني علشان يديكي الرد المناسب ف بعيدا عن أن الرد السريع بيكون غلط هو بيكون السبب في قلة ثقتك في نفسك 👀 الاحساس الدائم ب المجاملة يعني في ناس لما تيجي تقوليلها انتي حلوة أو فستانك حلو انهاردة تفتكر ده على أنه مجاملة وبس 👀الاستسلام في ناس بتستسلم بسهولة جدا لكلام الناس يعني فلان قال انت فاشل ابقى انا فاشل فولان قال انتي وحشة ابقى انا وحشه ديما بستسلم لأي كومنت يكون عليا مبعرفش أتجاهل الحاجات ال زي دي ال هي اصلا سبب كبير جدا فى ان يكون عندي عدم تقبل لذاتي

الموضوع الأصلي: علامات قلة الثقة بالنفس || الكاتب: غرام الشوق || المصدر: منتديات غرام الشوق

www.gram-alshoog.com

منتديات | منتدى | منتديات غرام | منتديات عامه

برامج | سيارات | هاكات | استايلات | برمجه | منتديات عامه