حسي بلوعات الليالى والاحزان
بعدين حســي بالهوى لابغيتي
وش بيهمك لو يقولون زعلان
لــو فيــك ذره من غلا ما جفيتيي
ياللى تقولين الخطا زلة السان
فى زحمة الايام ليه اختفيتي
خطاى وان جا مدرى الذنب وش كان
ليه انتهى ذاك الغلا وانتهيتي
وقفت فى وجهه الزمن قدر الامكان
وانت جنح فيك الخيال وغفيتي
غلطان انا فى كل الاحوال غلطان
أسرجت لك خيل القصيد وسريتي
جيتي وقلت الجرح يوم اقبلت هان
وانتى على الجرح القديم ارتكيتي
قلت لى ان الحب لابد ينصان
واليوم ما كنك دقايق هويتي
شافوك حساد الهوى شوف الاعيان
يومك على رجم القصايد رقيتي
ما بان شي ولا بقى شي مابان
بس انتى اللى غافله ما دريتي
العام لك طاري بقلبي ولك شان
واليوم احس .. بغلطتي لا طريتي
وأن قدر المولى وعشتي بحرمان
من حر لوعات التجافى بكيتي
تذكرى قلب له سنين شفقـــــان
شوفى بحقه ياكثر ما خطيتي
كل القصيد اللى أقوله علشان
تهزك الذكرى ...عقب ما نسيتي

الموضوع الأصلي: تذكركـ قلب لهـ إسنيييييين شفقاااان ...؟ || الكاتب: طيب القلب || المصدر: منتديات غرام الشوق

www.gram-alshoog.com

منتديات | منتدى | منتديات غرام | منتديات عامه

برامج | سيارات | هاكات | استايلات | برمجه | منتديات عامه