للمحبة حدود وحبي لك سما
والسما لو تعرف ابعاد وحدود
ما جريت في دمي وعروقي كما
تسبح الأفلاك في عرض الوجود
تدري عندي وشهو مفهوم الظما
غيبتك أحيان ولو منت ب جحود
يا غمام كل ما مرّ وهما
تنتهي جروحي و تهتزّ الورود
قل لعينك هاللي تذبح بالوما
هاللي بين الداعج وبين الرقود
ان قلبي من غلاتك ربما
لو يجود بصاحبه بك مايجود
مدري قلبي شاف حبك واعتمى
لاغي اللي بعدك وما يبغي زود
ولا قلبي شاف من بعد العمى
كن كل حب مضى ماله وجود
لك في صدري حب راقي مثلما
للنسيم اللي على روضك ينود
وان سألني الحاسد احبك لما
قلت خذ عيني و شوفه يالحسود
العيون تحب وتنحب انما
انت عندي غير عن كل الوجود
لو تحبني موت أنا أحبك سما
واحسب انت طولها وعرض الحدود
*
بوركت جهودك الله يعطيك الف عافية
على الطرح الرائــــع كروعتكـ ...!!
والراقي كرقيكـ والف شكركلكـ ذووق
سوف آظل أترقب الجديد بكل شوق.
مرت من هنا ..(غرام الشوق ) ..!
وتركت لكـ وردها يحمل ردها ..
*