دفنت الغرام بخافقى والقلوب أسـرار

دليل المحبة شوف عيني عليك تغـار
ولا ودي الحاسـد عيونـك يطالعـهـا

مع إنك رحلت بعيد لكن بقـى التذكـار
ليا شافتـه عينـي تسابـق مدامعـهـا
مشاعرهقيـت إن الليالـي تضيعـهـا

فرحت برجوعك ماطلبت لخطاك اعذار
ونفسي نست ماجرى مـن تواضعهـا

تهادت مشاعرخاطري لك بلا معيـار
تجاهلتهـا لوكنـت خابـر دوافعـهـا

يقولون جنّب درب مالك معـه معبـار
يلومون نفـسٍ بعد الاحبـاب موجعهـا

يقولونهـا قبلـي يخـون البحر بحّـار
والآمواج لاهاجت خذت ماتبـي معهـا

تكاثرت منك الصد وأثر العلـوم كبـار
لقيتك علـى نفسـي تقلّـب مواجعهـا

اقوله وأنا اللي شفت ذاك الغلا ينهـار
يشوف الندم رجّـال نفسـه يطاوعهـا

مثل ماضرب جّوٍ خلا غـادي محتـار
يدّوج ورجله مـادرى ويـن موقعهـا

تعرض سموم القيض والدار مامـن دار
هليك وشعر بالموت روحـه ينازعهـا

جحدت الغلا لين امتلا بالخفوق وثـار
قصايد عساها اليوم تطـرق مسامعهـا

غرامك مثل نارٍ حطبها الغـلا و النـار
تموت وغـلاك اللـي بقلبـي يولعهـا

غلاك بضميري واضحٍ ماعليه غبـار
تشيل الغلا نفسي وأنا عاجـز امنعهـا

يقولون ماودعّك : قلت الفراق وصـار
والإنسان روحـه تـنسلـب مايودعهـا

هذيك الليالـي ويـن أثر الزمـن دوار
خذاهـا ولاظنـي زمانـي يرجّعهـا

طوتها السنين ولابقالي سوى التذكـار
لياشافتـه عينـي تسابـق مدامعـهـا

في امان الله وحفظه

الموضوع الأصلي: دفنت الغرام بخافقى والقلوب أسـرار || الكاتب: راعية مشاعر || المصدر: منتديات غرام الشوق

www.gram-alshoog.com

منتديات | منتدى | منتديات غرام | منتديات عامه

برامج | سيارات | هاكات | استايلات | برمجه | منتديات عامه