ربعك لمنك شفتهم صاروا احزاب وتشاورو بالعلم والراي دونك

ربعك لمنك شفتهم صاروا احزاب وتشاورو بالعلم والراي دونك



أن زان لـك وقتـك تخـيـر بالأصـحـاب ..
وان شـــان وقـتــك كـلـهـم مايـبـونـك

أن جيتـهـم قـامــو يـحــدّون الأنـيــاب ..
وان رحــت عنـهـم بالقـفـا يشذبـونـك

لا أدبـــرت دنـيــاك والـحــظّ مـاطــاب ..
الـنـاس لا مــن طـحـت مايرحمـونـك

أهل السيوف اللـي يقصّـون الأرقـاب ..
أمّــــا كـفـاهــم واقــعــك يـظـلـمـونـك

لا تـامـن العـقـرب ولاتـامـن الـــداب ..
الـسـمّ واحــد لا رقـــا فـــي مـتـونـك

يـاجـاهـل الـدنـيـا ودورات الأســبــاب ..
أعرف ترى من خـان غيـرك يخونـك

لو كان لك ربـع(ن) مواليـن واحبـاب ..
لابــدّهــم عــقــب الــغــلا يـنـكـرونــك

وقـت(ن) يشيّـب بالمخاليـق مـاشـاب ..
أســأل رجــال(ن) جـرّبــو يخـبـرونـك

واحــذر تـخـاوي كــل هـافـي وكــذّاب ..
أهــل الـــردى بطبـوعـهـم يطبـعـونـك

أرفـع مقامـك عـن ردييـن الأنـسـاب ..
لـو شفتهـم فــي حضـرتـك يمدحـونـك

فارق ثراهم وارق فـي راس مرقـاب ..
أبعـد عـن الـلـي لونـهـم غـيـر لـونـك

خــلاّن مــال ومالـهـم ربــع واقــراب ..
لا قــــلّ مــالــك عــدّهــم يـكـرهـونــك

أعتاض فيهـم مـن طويليـن الأشنـاب ..
الـلـي الـــى مـــال الـدهــر ينفـعـونـك

لاصـكــتــك دنــيـــاك وافـــتـــرّ دولاب ..
بــانــت مـواقـفـهـم ولا يـرخـصـونــك

هــذا رفيـقـك مــن قريبـيـن واجـنــاب ..
ذخـرك وهـم فــي واجـبـك يذخـرونـك

عنـدك قريبيـن (ن) ولـو قلـت غـيّـاب ..
علـى صـدى صـوت النـدى ياصلونـك

ياللـي سمـعـت العـلـم لاتفـتـح الـبـاب ..
لاتنحشـر فـي شــي مـاهـوب شـونـك

ربعك إلى من شفتهم صـارو احـزاب ..
وتـشـاورو بـالــراي والـعـلـم دونـــك

لاتـبـدي بـرايـك عليـهـم ولــو صـــاب ..
لو صحت باعلى الصوت مايسمعونك

ومـن لاحسبلـك لاتسـوي لـه حـسـاب ..
لو كان يسوى وحدتن مـن عيونـك


و سلامتكم

ملكة الحنان معجب بهذا

الموضوع الأصلي: ربعك لمنك شفتهم صاروا احزاب وتشاورو بالعلم والراي دونك || الكاتب: احساس غريب || المصدر: منتديات غرام الشوق

www.gram-alshoog.com

منتديات | منتدى | منتديات غرام | منتديات عامه

برامج | سيارات | هاكات | استايلات | برمجه | منتديات عامه

احساس غريب
..


طرح رائع كروعة حضورك
اشكر ك علي روعة ماقدمت واخترت
من مواضيع رائعه وهامة ومفيدة
عظيم الأمتنان لكَ ولهذا الطرح الجميل والرائع
لاحرمنا ربي باقي اطروحاتك الجميلة

ـــ
تحياتي وعطروردي

فيض من الجمال الذي سكبته أناملك احساس غريب
طرح رائع ومخملي ياغلا
كل شيء مختلف هنا ربي يسعدك ..

سطور نالت الإعجاب برقي هذا الطرح
وهذا سَّــر إبداعك وذائقتك المُتميزه
سوف آظل أترقب الجديد بكل شوق
لك كل الود والاحترام

الله يعافيكم و يسلمكم و يخليكم شرفتوني و نورتوني لا عدمت الحضور الجميل