اهديك قلب ماكذب يوم يغليك

اهديك قلبٍ ماكذب يوم يغليك
يضخ حبك والغلا في وريده
_
كل ماذكرتك فزقلبي يناديك
وعجزت لا أكتب فيك جمله مفيده
_
لاجيت ابكتب فيك شيٍ يساويك
احتار في كل المعاني الفريده
_
ماشوف في عيني حروفٍ تحليك
وماعاد باقي حرف لاجلك اعيده
_
استصعب التعبير لا اقصر هقاويك
اصعب سهل واسهل صعب في قصيده
_
حكمتني حكم الملك للمماليك
وعرش الفكر زكاك واصبحت سيده
_
ساكن بقلبي يالغلا بعقد تمليك
وكيفك تعمر فيه والا تبيده
_
وانا راضي ان كان قلبي سكن فيك
عشة رضى ولا قصورٍ جديده
_
يافز قلبي حين يطرون طاريك
فزة سجينٍ واحكموا فك قيده
_
عيني تبي شوفك وقلبي يناجيك
وبنك الغلا يزيدلك في رصيده
_
لو تنكشف قصة هوا قلب مغليك
اسبوع كامل تنكتب بالجريده
_
دمتم بخير وسعادة ؟
_

سلطان الزين ,شقاوي ,غرام الشوق معجبون بهذا

الموضوع الأصلي: اهديك قلب ماكذب يوم يغليك || الكاتب: سمو الهلال || المصدر: منتديات غرام الشوق

www.gram-alshoog.com

منتديات | منتدى | منتديات غرام | منتديات عامه

برامج | سيارات | هاكات | استايلات | برمجه | منتديات عامه