03-11-2026, 01:54 AM
|
|
|
|
|
|
تمنيت اداوي جرحك اللي مضى له عام
تهشّم جدار الود مع طيلت الايام
وقل الوصل سبّب للاشواق تنسيمه
الين ابتدت فتنه تقول الوعد قدام
وشفت الزعل بيّن وبانت مراسيمه
تمنيت لوان الزعل يشبه الاورام
ونستأصله(باللطف والعذر والشيمه)
ولانخسر اللي من ضلوع الحنايا قام
بعدما تربع فالحشى نونه وميمه
تمنيت اداوي جرحك اللي مضى له عام
وعيد النظر فاللي من الصعب ترميمه
لكنك رفضت وشمت عن باقي الاحلام
وانامامعي غير الوعد بس تقديمه
وعود الحبيب اللي ركز لك وفاه اعلام
بعد رفّرفت لك بالعذر هَب لها قيمه
قلوب الحبايب بالزعل لو تروح اقسام
ترى نبضها يبقى من الصعب تقسيمه
عذول الهوى قاضي يصدّرلك الاحكام
يحب الغموض ولابنرضا بتحكيمه
يعتم سمانا لاصَدر حكم بالاعدام
على اشواقنا والقتل مذكور تحريمه
ابدعي عليه الله من الخافق المنظام
عسى الله يجازي من تسبّب فتحطيمه
رفعنا وبصمنا نهايتك بالابهام
قضت رحلتك ومسلّسلك تم تختيمه
بعد ضاق صدري منك مابتعب الاقلام
بكلّف بها الخالق بركعه وتسليمه |
|
|
تمنيت اداوي جرحك اللي مضى له عام
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
الساعة الآن 10:10 PM
|
عضويتي 
العرض الشجري